in ,

امریکا کی جانب سے قرارداد کی مخالفت

عرب لیگ کا امریکا کی جانب سے سلامتی کونسل میں فلسطینی ریاست کی حمایت میں پیش کی گئی قرارداد کی مخالفت سخت برہمی کا اظہار

The United States opposed the resolution

امریکی ویٹو انتہا پسندوں کے لیے تحفہ ثابت ہو گا،عرب لیگ کے اسسٹنٹ سیکرٹری جنرل کا انتباہ
قاہرہ(زری نیوز)عرب لیگ نے امریکا کی جانب سے سلامتی کونسل میں فلسطینی ریاست کی حمایت میں پیش کی گئی قرارداد کی مخالفت سخت برہمی کا اظہار کرتے ہوئے کہا ہے کہ قرارداد کی مخالفت نہ صرف مسئلہ فلسطین کے لیے نقصان دہ ہو گی بلکہ یہ مشرق وسطیٰ کے انتہا پسندوں کے لیے ایک تحفہ ہو گا۔عرب ٹی وی کے مطابق عرب لیگ کے سیکرٹری جنرل کے معاون خصوصی برائے فلسطین و عرب اراضی محمد صبیح نے قاہرہ میں میڈیا کے نمائندوں سے بات چیت کرتے ہوئے کہا کہ ’’میرے خیال میں فلسطین اور عرب ممالک کی جانب سے مشرق وسطیٰ میں دیرپا قیام امن اور مسئلے کے دو ریاستی حل کے حوالے سے جتنی سہولیات دی جا سکتی تھیں وہ اس قرارداد میں دے دی گئی ہیں۔ ہم ایک ایسی فلسطینی ریاست کے قیام کا مطالبہ کرتے ہیں جو یہودی کالونیوں سے مکمل طور پر پاک ہو۔ فلسطینی ریاست کا قیام خطے میں استحکام اور ترقی کا موجب بنے اور جنگ وجدل کا خاتمہ کیا جا سکے کیونکہ فلسطین کا مسئلہ حل نہ ہونے سے اب تک خطے میں کئی جنگیں ہو چکی ہیں جن میں بے پناہ جانی نقصان اٹھانا پڑا‘‘۔عرب لیگ کے عہدیدار سفیر صبیح نے مشرق وسطیٰ میں قیام امن کے حوالے سے امریکی وزیر خارجہ جان کیری کی مساعی کی تعریف کی اور کہا کہ جب بھی اسرائیل کو جان کیری کی کسی بات پر اعتراض ہوتا تو اسرائیلی حکومت اس کا جواب دو ریاستی فارمولے کو سبوتاڑ اور یہودی کالونیوں کی تعمیر کی شکل میں دیتی رہی ہے۔انہوں نے کہا کہ سلامتی کونسل میں فلسطینی ریاست کی حمایت میں قرارداد پیش کیے جانے کے بعد امریکا کے کندھوں پر بھاری ذمہ داری عاید ہوتی ہے کہ وہ قیام امن کے اس اہم موقع کو ضائع ہونے سے بچائے۔ اگر امریکا نے اب کی بار بھی قرارداد اسرائیل کے حق میں ویٹو کر دی اس کے نتیجے میں مسئلہ فلسطین کو ناقابل تلافی نقصان پہنچے گا اور یہ سمجھا جائے گا کہ امریکا فلسطین میں اسرائیل کی غیر قانونی یہودی آبادکاری کی در پردہ حمایت کر رہا ہے۔

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Written by Zaryyab Salman

Zaryyab Salman

I am Zaryyab Salman, Site owner of www.zarinews.com has written 100 of articles for zarinews., where I share unique, quality and informative information with you and all the world. Zarinews provides free news, new products, tips & tricks related to blogging, social media and technology news fashion & off-course about your health. Your can visit related websites www.properseoguidelines.com

Leave a Reply

سانحہ پشاور پر غیرملکی خفیہ ایجنسیاں بھی متحرک

سانحہ پشاور،غیرملکی خفیہ ایجنسیاں بھی متحرک، اہم ترین انکشافات کرڈالے

عقیل عرف ڈاکٹر عثمان اور ارشد محمود کو پھانسی دے دی گئی

عقیل عرف ڈاکٹر عثمان اور ارشد محمود کو پھانسی دے دی گئی